حكايتي في حرب تروادا حكايتي في حرب تروادا

في قديم الزمان نتوما مازال ما زدتوش=
كانت تروادا مملكة تسيل لعاب الكبار بسبب البيترول و الغاز لي فيها..و ذات
يوم قرر ملك الاغريق =سليمانوس الثاني= ان يغزو هذه المملكة و بما اني كنت
قائد في جيشه فقد كلفني انا بالمهمة رفقة =اشيل= اللي تورنا دوره براد بيت
في فيلم حرب تروادا.في صباح الخميس انطلقنا الى تروادا عبر اسطول تاع
الفلايك و كنت في الفلوكة انا و اشيل و عماد زموري و ارزقي القصبة نتجاذب
اطراف الحديث و لما قريب نوصلو راينا جيشهم هناك موجد كلش و بدات الحرب حيث
بداو يتيريو علينا بالفلايش و لي بلوك والصنب واتذكر ان عماد زموري فجخوه و
قد استلزم خياطته 13 مساك في مستشفى بني مسوس.هبطت من الفلوكة و انطلقت
انا و اشيل الى اليابسة و بدانا نستفو فيهم كي الذبان ندرب بالسيف واحد
نطيح 13 ..واصنا هكذا حتى صونا هاتفي النقال اسود اللون العزيز علي قلبي
ترن ترن ترن ترن... و كانت مادامتي ==بونجوغ مون بيبي سافا..فقلت لها== وي عمري واش
كاين..فقالت ==شيغي راني رايحة مع ماما للسونطغ كوماغسيال تاع الكابيتال في
طريق جديدة اوكي ...فقلت =خلاص روحي نريقل افار لعشية ونعيطلك.في هذه
الاثناء رايت احد من العدو راح يقتل اشيل و هنا كافيت عليه مليح و تيريت
عليه بالبورطابل الذي اصابه اصابة جد بليغة في الراس استلزمت جراحة معقدة
على الدماغ بسبب ان هاتفي النقال من الحجم الكبير.المهم كانت الامور
متشربكة جنرال و الطايح كثر من النايض اشيل و انا طلعنا واحد الجبل و دخلنا
الكهف و هناك تلاقينا مع الامير فقلنا له =سلم روحك ولا رانا نديرولك عذاب
حلوف.الامير عطاها بسبب انو يعرف الزنق و انتهت المعركة الاولى.نصبنا
القياطن طرف البحر و في الليل بقينا ندومنو انا و اشيل و ارزقي في ثلاثة و
اتذكر ان اشيل كفر حتى كره و كعد غير يخسر.في الصباح تنقلنا الى المدينة من
اجل غزوها و هنا وصلنا الى القلعة بالطبع انا و اشيل فقط و الجيش قعد
ينتطر و قفت انا و اشيل امام القلعة و بدات اصرخ==ياااااو يااااو القلعة
انتم فيها و نحن الجيش ورائكم سلمو انفسكم او فو بايغا شاغ ..لينطق اشيل و
يقول لي== اسمع اام ما يهبطوش واش قلت نديرولهم غير انا و انت زدمةباهية
وحدنا!!!!!.فقلت له == واش اشيل حاطني كلادياتوغ انا واش راك تشوف فيا
رومبو ايا صلي على النبي خلينا يرحم باباك وقيل حسبتلك صح ...بداء اشيل
يرجل و زعمة ما يخافش و في هذه الاثناء.فتحت ابواب القلعة و خرج منها اكثر
من 20 بيت بول و حوالي 30 بارجي اغريقي == وليس الموند= و 12 دوبر مان بدون
احتساب لي باطار و هنا ..ههه احكم يا نمر اتذكر ان الطالون تاعي تاع
الصباط كان يكيس في راسي بسبب السرعة الكبيرة التي هربت بها و لما وصلنا
للجيش اتذكر ان الجيش اختفى و طلعو قاع في الفلايك ..كان الامر رهيبا طلعت
انا و اشيل في الفلوكة و رحنا دوقة دوقة و لم نستطع غزو تروادا ...بعد ذلك
بقرون رايت ما حصل لي كفيلم و رايت اشيل بطل ههه شبعت ضحك لانهم كذبو على
الراي العام ..لم اتورني انا في الفيلم بسبب الكاشي حيث تم عرض مبلغ مالي
زهيد و سيارة من نوع رونو سيمبول و هذا ما رفضته بالاظافة الى السيناريو
المعمر بالخرطي و اخذ براد بيت السوكسي على ظهري تبا له.