مَ أحس بَ إني أنا [ أنا أحد ثااااني ] !

المكان .. ونفس ( ترتيب ) الكلام
استرح طيفك ولكن مَ استرحت !
والله إنه مَ على الذكـرى السلام
عن دروب الحلم شفني مَ نزحت !

كثير خوف الكلام .. اللي على لساني
لو جيت أحكي يقول الصمت وشوله

مع خاطر الوقت : يَ صوتي و أحزاني
كم عششت أغني على أحلام مقتوله !

رغم إني أكبر من الغربـة ! و أشجاني
قلبي وقف للضياع و طاح من طوله !

مَ أحس بَ إني .. أنا ! أنا أحـد ثاني
كل الأحاسيس تجهلني : و مذهووله !

من كثر حبي و إخلاصي ! و حرماااني
مَ قلت مثل الكثير .. و قلت مقبوله !

أنا .. أذكر إنه إذا بـردان / يقراني
و تضمّه الذكريات .. و ترتمي حوله !

تعال .. و إرسم دروبي ! جفّت ألواني
مَ عندي إلا الظلام و ضعت بفصوله !

منهو بقـى .. فيني ؟! و منهو تعداني
تركني الكل لـ الأحزان ؟ معقوووله !

تعبت ! أدوّر على ( نفسـي ) أبلقاني
ملامحي .. من إيدين الوقت : مجهوله !

مَ كنت أجيب الكلام المرّ .. بَ لساني
الصمت .. يحكي كلام ٍ مَ أقدر أقوله !

أي حضور و أي غيااااب و أي مقام
والله .. إني غير ( صمتي ) مَ ربحت !
شوفني : مليان .. وحـدة ! و إنهزام
ضاق صوتي و إنتثر دمعي وصحت !